GOCHO MAR PUONJRUOK

Kuom higni modhuro, Jehova osebedo ka wuoyo gi jotichne kotiyo gi dhok mopogore opogore. Sula ariyogi nyiso ni kata obedo ni Jehova osebedo ka tiyo gi dhok mang’eny kamano, mano ok osemone wuoyo gi dhano. Bende, wabiro neno kaka Muma mar New World Translation, moriwo nyaka gocho mar 2013 osekonyo ahinya e keto nying Nyasaye obed maler kendo miyo dwache ong’ere.

Nyalo mar wuoyo en mich ma jaber ma Nyasaye omiyowa. Sulani lero gik moko adek motudore gi kaka watiyo gi lewwa. Bende, ojiwowa ni waluw ranyisi mar Yesu kuom tiyo gi mich mar wuoyo e yo ma miyo Nyasaye duong’ kendo e yo ma konyo jomoko.

Waduto wabedoga ma tuwo; omiyo, en paro mane monego wabedgo sama Muma wuoyo e wi joma nochangi? Gin ang’o monego wanon sama jomoko ng’adonwa paro e wi weche thieth? Sulani biro konyowa yudo dwoko mag penjogi kod kaka wanyalo timo yiero magwa wawegi.