Weche Mantie

Gin singruoge adi ma isetimo ne Jehova? Achiel, ariyo, koso mokalo kanyo? Be itemo matek mondo ichop singo ma isetimo? To nade singruok ma ne itimo kapok obatisi kata ka ne idonjo e kend? Sulani konyowa neno ranyisi maber ma Jeftha gi Hanna noketonwa sama watemo matek mondo watim kaka ne wasingore ne Nyasaye.

Kinde mang’eny waparoga mana gik ma Jehova biro miyowa e Paradiso. Kata kamano, sulani biro konyowa neno gik ma Jehova biro tieko. Gin ang’o gini ma Jehova biro tieko mondo wadag e piny ka wan gi kuwe kod mor? Paro matut dwoko mar penjono biro tego yiewa mondo wadhi nyime nano.

Sama waneno ni otimnwa gima ok ni kare kata otimne ng’at ma wahero gima ok ni kare, mano nyalo miyo bedo gi yie motegno, bolruok, kod winjruok maber gi Jehova obednwa matek. E sulagi, wabiro neno ranyisi mag ji adek ma Muma wuoyo kuomgi ma biro konyowa ng’eyo kaka Jehova neno gik moko.

Onge gima Jehova oremo, kata kamano, omor sama oneno ka watemo matek mondo wariw lwedo ratiro mare mar bedo jaloch. Jobura sula mar 4 kod 5 nyiso kaka Jehova bedoga mamor sama wachiwore gi chunywa duto mondo watim dwache.