Weche Manyien

Ofise maluwogi nyocha osewal ne Jehova.

Burundi: Ofis manyien kod Od Chokruok mag Alwora ne owal ne Jehova chieng’ Ngeso, tarik 25, Novemba 2006. Ne otime gi Owadwa Guy Pierce ma en achiel kuom jokanyo mag Bura Maduong’, ji 1,141 ne nitie e programno. E odiechieng’ maluwe, Jumapil Novemba 26, 2006 ne nitie program makende e stadiam moro mani machiegni ma ji mang’eny maromo 5,679 ne ochopoe.

Rwanda: Ofis manyien ne owal ne Jehova chieng’ Ngeso, Desemba 2, 2006. Ne otime gi Owadwa Guy Pierce. Ne nitie ji 554 ma ne ochopo e program mar walo ofisno, kendo ji 13,292 ne nitie e program makende ma ne otim e stadiam mani machiegni chieng’ Jumapil, Desemba 3, 2006.

Uganda: Ofis manyien ne owal ne Jehova Januar 20, 2007. Ne otime gi Owadwa Anthony Morris ma en achiel kuom jokanyo mag Bura Maduong’, ji 665 ne nitie. Ka podi ne ok ogol twak mar walo ofisno ne Jehova, jarit malimo ofise, ma en Owadwa Leon Weaver Jr. mowuok e Bethel ma Brooklyn ne ochiwo twak majiwo ji ahinya ma wuoyo kuom, “Riwo Lwedo Tich Mamedore mar Jehova.” Odiechieng’ maluwe, Januar 21, 2007 ne nitie program makende e stadiam, ji 4,915 ne ochopo, ma ne gin ji 800 makalo kwan mag jolendo man Uganda gie sani!

◼ Ute Romo maluwogi nyocha osewal ne Jehova:

Burundi: Gitega Centre (Od Romo mokwong gero Burundi ma inyalo tiyogo kata e chokruok mar alwora), Mugerama, Ndaro, kod Remba

Kenya: Kiritiri, Mutara, kod Ndima-ini.

Uganda: Kyaka Bukere kod Kyaka Mukondo.