Chenro mar Chokruok

Juma Machakore Agost 11

Wer 63

Dak. 10: Lendo magu. Penj jowinjo mondo owuo kuom weche manie gasede manyien ma giseyudo ka moro ji e alworau. Kwa jowinjo mondo owuo kuom weche manie gasedego ma gichano tiyogo. Penjo mane minyalo penj mondo ochakgo wuoyo? Ndiko mane mayudore e kama iyierono minyalo som? Ik ranyisi manyiso kaka weche mochiwgo inyalo tigo.

Dak. 15: Tim Dwach Nyasaye gi Paro Achiel. Twak kitiyo gi bug ‘Njoo Uwe Mfuasi Wangu,’ ite mag 93-94, paragraf 12-13.

Dak. 20: “Be Itiyo gi Gocho mar Ji Duto E Yo Maber Chuth?”a Penj jalendo moro mondo owuo kuom gima oseneno kuom tiyo gi sula moko manyien momedi e gocho mar ji duto mar Ohinga mar Jarito mar Swahili kata mar Ingresa. Wach ma ne oneno inyalo tim e yor ranyisi. Kitiyo gi paragraf mar 2 bende, tim ranyisi kuom kaka inyalo chak puonjruok kitiyo gi sula mar, “Gik Mwanyalo Puonjore Kuom Yesu,” e Ohinga mar Jarito ma Agost 1 (Swahili), kata e gaset moro amora manyien mar Ohinga mar Jarito.

Wer 26

Juma Machakore Agost 18

Wer 135

Dak. 10: Lendo magu. Lendo moyier ei Tijwa mar Pinyruoth. Wuo kuom “Program Manyien mar Chokruok mar Alwora.” Land tarik mar chokruogno ka tarigno ong’ere. Par ne jowinjo mondo obi gi Ohinga mar Jarito ma Septemba 1 kod Amkeni! e Chokruok mar Tijwa juma mabiro, kendo giikre ne wuoyo kuom kaka inyalo chiw gasedego e alworau.

Dak. 20: Rwakruokwa Miyo Jehova Duong’. Twak migolo gi Jaduong-kanyakla. Nikech Jehova en Nyasaye maler, ler mar ringruok en gima ogandane kawo mapek. (Wuok 30:17-21; 40:30-32) Keto ranyisi maber e rwakruokwa, to moloyo e tijwa mar lendo, miyo wamoro Jehova kendo miye duong’. (1 Pet. 2:12) To ka ok watimo kamano, wabiro miyo ‘wach Nyasaye mondo oyany.’ (Tito 2:5) Wuo kuom ranyisi motimore e alworau kata mogo e buge manyiso kaka rwakruok maber mar jalendo moro nochiwo neno maber.

Dak. 15: Rowere Machiwo Neno Maber. Twak majiwo jonyuol gi nyithindgi mabiro dok e skul machiegni. Par ne rowere mondo oti gi thuolo mayudore mondo gichiw neno. Ka thuolo nitie, kwa jowinjo mondo owuo kuom weche ma giseneno ka gilendo e skul.

Wer 61

Juma Machakore Agost 25

Wer 24

Dak. 15: Lendo magu. Som ripot mar pesa koda mag erokamano ma ofis ogoyo kuom chiwo ma ne kanyakla ooro. Wuo kuom “Program Manyien mar Chokruok Makende,” kendo land tarik mar chokrugno ka tarigno ong’ere.

Dak. 15: Weche mag kanyaklau.

Dak. 15: Ikri ne Chiwo Ohinga mar Jarito ma Septemba 1 kod Amkeni! ma Agost. Wuoyo moriwo jowinjo. Wuo machuok kuom gasedego kendo penj jowinjo mondo owach sula ma ji nyalo hero e alworau. Penjo gi ndiko mane minyalo tigo e chako wuoyo kuom sula moro ei gasedno? Tim ranyisi manyiso kaka paro mochiw ei Tijwa mar Pinyruoth inyalo tigo. Achiel kuom jodongo otim ranyisi machuok ma oseiko kotiyo gi sula moro ei gaset manyalo tiyo e alworau.

Wer 196

Juma Machakore Septemba 1

Wer 112

Dak. 10: Lendo magu. Par ne jolendo mondo ochiw ripodegi mag lendo mag Agost. Weche Manyien.

Dak. 20: Gidak Kendgi to Wich Ok Owil Kodgi. Twak kitiyo gi Ohinga mar Jarito ma April 15, 2008 (Swahili), ite mag 25-28. Nyis kabe nitie Jokristo moko e kanyaklau modak kuonde miritoe joma oti. Ka onge, ti gi puonj mayudore e gasedno e jiwo kanyakla mondo okony Jakristo moro amora ma dende ool kata ma onge gi nyalo mar tiyo tije mag kanyakla.

Dak. 15: Chak Puonjruok Muma gi Ng’ato E Limbe Mokwongo E Dwe mar Septemba. Wuoyo moriwo jowinjo. E dwe mar Septemba wabiro chiwo buk mar Muma Puonjo, kendo timo kinda mar wuoyo kuom paragraf moko matin kod wuon ot e limbe mokwongo. Wuouru kuom paro ma ochiw e kalatas madiere e Tijwa mar Pinyruoth ma Januar 2006 (Swahili), kendo timuru ranyisi achiel kata ariyo kaka inyalo chak puonjruok mar Muma gi ng’ato e limbe mokwongo.

Wer 74

[Weche moler piny]