Gima Wanyalo Wacho Kuom Gasedewa

Ohinga mar Jarito Mach 1

Som Wuok 20:15. Kae to iwach kama: “Kata obedo ni ji mang’eny temo luwo chikni, jomoko neno ni kuwo kod mibadhi mamoko inyalo yiego ka chandruok oyudo ng’ato. Iparo nade kuom wachno? [Rit dwoko.] Sulani wuoyo kuom ber mar bedo jaratiro kinde duto.” Nyis sula machakore e ite mar 12.

Amkeni! March

“Ji mang’eny miyo Muma luor, kata kamano giparo ni thoth weche manie iye ok nyal konyo ahinya e kindegi. Ineno nade wachno? [Rit dwoko. Kae to isom Jo Rumi 15:4.] Sulani lero gimomiyo kata weche moko machon mayudore ei Muma pod konyo e kindegi.” Nyis sula machakore e ite mar 28.

Ohinga mar Jarito April 1

“Kopenj ji ni en jal ma ne ma wechene osemulo ngima dhano ahinya, ng’enygi wacho ni en Yesu. In be mano e dwoko ma dichiw? [Rit dwoko.] Ne ane gimomiyo onego watem nono paro maok ni kare ma ji nigo kuom Yesu mondo wang’e adiera mani kuome. [Som Johana 17:3.] Gocho makendeni mar Ohinga mar Jarito nyiso gima Muma wacho kuom adier e wi Yesu koda puonjne.”

Amkeni! April

“Nenore ni waonge thuolo moromo mar chopo gigo duto ma dwaher timo. Be iyie gi wachno? [Rit dwoko.] Ji mang’eny oseyudo ni puonjni konyo. [Som Jo Filipi 1:10.] Gasedni chiwo paro moko manyalo konyowa tiyo gi thuolowa e yo makare.”