Gima Wanyalo Wacho Kuom Gasedewa

Ohinga mar Jarito Mei 1

“Piny nyalo bedo gi pogruok mane ka ji duto oluwo weche ma Yesu nowachogi? [Som Mathayo 7:12. Kae to rit dwoko.] Sulani wuoyo kuom puonj moko mag Yesu manyiso gima dwarore e bedo Jakristo.” Nyis sula machakore e ite mar 16.

Amkeni! May

“Be iparo ni ngima biro bedo mayot e kinde mokayo machiegni? [Rit dwoko.] Ji mang’eny ok ong’eyo kaka Muma nyalo konyowa e kinde matekni. [Som ndiko achiel mayudore e sulano.] Sulani nyiso kaka puonj manie Muma nyalo konyowa nyagore gi ngima matekni.” Nyis sula machakore e ite mar 18.

Ohinga mar Jarito 1

“Mopogore gi higini mosekalo, kanise mang’eny tinde ok wuo e wi richo. Be iparo ni richo en mana gima nonego owuoye chon koso podi onego watang’ kode e kindegi? [Rit dwoko. Kae to som Jo Rumi 5:12.] Gasedni nyiso gima Muma wacho e wi richo.”

Amkeni! June

“Nenore ni ngima medo bedo gi parruok mang’eny. Be iyie gi wachno? [Rit dwoko.] Ji mang’eny neno ni wechegi nyiso gimomiyo parruok ng’eny. [Som 2 Timotheo 3:1.] Gasedni wuoyo kuom kaka parruok hinyowa. Bende ochiwo yore manyalo konyowa geng’o parruok.”