Gima Wanyalo Wacho Kuom Gasedewa

Ohinga mar Jarito Agost 1

“Ji mang’eny paro ni joma beyo duto biro dhi e polo. Be mano e gima iyiego? [Rit dwoko.] Ne gima Ndiko wacho kuom pinyni. [Som Zaburi 37:11, 29.] Gasedni nyiso gima Yesu nopuonjo kuom kinde mabiro mar dhano e pinyka.” Nyis sula machakore e ite mar 22.

Amkeni! Agost

“Achiel kuom gik makelo lit ahinya e ngima en tho mar janyuol. Be iyie gi wachno? [Rit dwoko.] Ji mang’eny oseyudo hoch kuom Ndiko kaka ma. [Som Fweny 21:4.] Gasedni lero kaka wanyalo loyo paro mang’eny ma litno kelo, to moloyo ne rawera.” Nyis sula machakore e ite mar 10.

Ohinga mar Jarito Septemba 1

“Jomoko wacho ni kitiyo ne Nyasaye to obiro gwedhi gi mwandu, kendo ka ng’ato odhier nyiso ni Nyasaye ok oyie kode. Ineno nade wachno? [Rit dwoko.] En gima iwuoro ni Yesu ne ok nigi mwandu. [Som Luka 9:58.] Gasedni wuoyo kuom gweth ma jotich Nyasaye nyalo yudo.”

Amkeni! Septemba

“Be iparo ni rowere nigi chandruoge mang’eny e kindegi moloyo higini mosekalo? [Rit dwoko.] Ji mang’eny neno ni Ndikoni wuoyo kuom gik matimore e kindewagi. [Som 2 Timotheo 3:1.] Gasedni wuoyo kuom puonj moko mag Muma manyalo konyo jonyuol kod rowere e loyo chandruogego.”