Gima Wanyalo Wacho Kuom Gasedewa

Ohinga mar Jarito Julai 1

“Ng’enywa ok ong’eyo gima ginyalo wacho mondo giho chuny osiepgi matuwo ahinya. Ineno nade paro ma Muma chiwoni? [Som Jakobo 1:19. Kae to irit dwoko.] Gasedni chiwo paro mawuok e Muma manyalo konyowa ahinya.” Nyis sula machakore e ite mar 10.

Amkeni! July

“Be joma mine onego obed jotend din? [Rit dwoko.] Ne ane gima Muma wacho kuom miyo moro. [Som Jo Rumi 16:1.] Kata kamano, ndiko machielo wacho ni joma mine onego oling’ e kanyakla. Omiyo, Muma chiwo paro mane kuom wachni? Sulani lero wachno.” Nyis sula machakore e ite mar 28.

Ohinga mar Jarito Agost 1

“Ji mang’eny oluor ni lweny mar nyuklia, ka ok kamano to lokruok e ng’ich kata liet biro ketho piny. Be iparo ni mano biro timore? [Rit dwoko.] Ne ane gima Muma wacho. [Som Fweny 11:18.] Gasedni chiwo dwoko mag penjo ang’wen ma ji thoro penjo kuom giko mar piny.”

Amkeni! Agost

“Samoro Joneno mag Jehova osewuoyo kodi e kinde mokalo. Be isepenjori gimomiyo walendo ot ka ot kata obedo ni ji mang’eny ok rwak wach mwalando? [Rit dwoko. Kae to isom Mathayo 24:14.] Ji mang’eny nigi paro maok kare kuomwa. Gasedni lero ni Joneno mag Jehova gin ng’ano gini.”