Gima Wanyalo Wacho Kuom Gasedewa

Ohinga mar Jarito Jun 1

“Ji mang’eny paro ni dinde mag pinyni gin yore mopogore opogore matero ji ir Nyasaye achiel. In ineno nade? [Rit dwoko.] Ne ane gima Muma wacho. [Som Joshua 24:15.] Weche manie sulani nyisowa gik momiyo wan wawegi wanyalo nono mondo wane kabe din marwa terowa ir Nyasaye madier.” Nyis sula machakore e ite mar 12.

Amkeni! Jun

“Waduto wang’eyo jogo ma osetho. Be iparo ni onego wabed maluor ni moko kuomgi nyalo bedo ni okecho kendo gidwaro hinyowa? [Rit dwoko. Kae to isom Eklesiastes 9:⁠5, 6.] Ibiro yudo ka weche manie sulani gin weche ma jiwowa.” Nyis sula machakore e ite mar 22.

Ohinga mar Jarito Julai 1

“Ji mang’eny ma nigi Muma yudo ka ng’eyo tiend weche manie iye ok yot. Be dibed ni in bende ineno kamano? [Rit dwoko.] Kaluwore gi ndikoni, Jal ma e wuon Muma dwaro ni wang’e tiend weche manie iye kendo wayud kony kuom Wachne mondiki. [Som Zaburi 119:130.] Gasedni chiwo paro adek mabiro konyowa winjo tiend Muma.”

Amkeni! Julai

“Bedo gi chuny mool ahinya chando ji mang’eny. Be iparo ni Nyasaye dewo jogo ma chunygi ool? [Rit dwoko. Kae to isom Zaburi 34:18.] Gasedni nyiso kaka jogo ma nigi chuny mool nyalo yudo kony mawuok kuom Nyasaye, kata obedo ni dwarore bende gi giyud thieth mar yien. Bende ochiwo paro kuom gigo mwanyalo wacho ne joma kamago mondo wajiwgi.”