Gima Wanyalo Wacho Kuom Gasedewa

Ohinga mar Jarito Julai 1

“Be iparo ni bedo gi chuny mokuwe en gima nyalore e kindegi mopong’ gi tungini? [Rit dwoko.] Ne ane gima Muma wacho e Jo Filipi 4:6, 7. [Som.] Sulani lero kaka wanyalo bedo gi kuwe ma Nyasaye chiwo.” Wuo kuom sula machakore e ite mar 10.

Amkeni! Julai

“Ng’enywa duoko erokamano nikech gik ma jonyuolwa osepuonjowa. Be iparo ni ka ng’ato nono puonj mag din ma ne opuonjore ka podi otin mondo one ka gin kare, en tim ma ok nyis luor? [Rit dwoko. Kae to isom 1 Johana 4:1.] Sulani nyiso kabe en gima rach ka ng’ato loko din mare.” Nyis sula machakore e ite mar 28.

Ohinga mar Jarito Agost 1

“Jomoko wacho ni dinde duto gin yore mopogore opogore matero ji ir Nyasaye achiel. Be iparo ni dinde duto beyo? [Rit dwoko. Kae to isom Mathayo 7:13, 14.] Gasedni nyiso gik moko adek ma Muma wacho ni din maber onego otim.”

Amkeni! Agost

“Waduto osebuonwa e yo moro. Iparo ni Nyasaye neno nade tim mar buono kata kwedo jomoko? [Rit dwoko. Kae to isom Tich Joote 10:34, 35.] Muma nyalo konyowa mondo wadhi nyime kwachung’ motegno kata ka ji buonowa. Bende Muma nyalo konyowa tieko chuth tim moro amora mar buono ji ma dipo ni wan wawegi wan-go. Gasedni lero kaka mano nyalore.”