Gima Wanyalo Wacho Kuom Gasedewa

Ohinga mar Jarito Septemba 1

“Ji mang’eny paro ni weche mowach kuom Adam gi Hawa e bug Chakruok gin mana sigana. Jomoko to paro ni Adam gi Hawa ne nitie gadier. In iparo nade? [Rit dwoko.] Ne ane gima Yesu nowacho kuomgi. [Som Mariko 10:6-9.] Sulani wuoyo kuom gik mamiyo wabedo gadier kendo olero gimomiyo onego wanon gik ma wayiego.” Nyis sula machakore e ite mar 12.

Amkeni! Septemba

Som 1 Johana 4:8. Kae to iwach kama: “Jomoko paro ni Nyasaye wang’o joricho e mach ma nyaka chieng’. Jomoko to wacho ni paro ma kamano ok winjre gi gima wasomo e ndikoni. In iparo nade? [Rit dwoko.] Sulani nyiso gima Muma puonjo e wi wachno.” Nyis sula machakore e ite mar 10.

Ohinga mar Jarito Oktoba 1

“Waduto wayudo chandruoge e ngima. [Wuo kuom chandruok moko mayudo ji ahinya e alworau.] Be iparo ni Nyasaye nyalo konyowa kuom chandruogegi? [Rit dwoko.] E ndikoni Yesu nonyiso achiel kuom yore ma Nyasaye konyowago. [Som Luka 11:13.] Gasedni lero tiend roho maler kendo onyiso kaka rohono nyalo konyowa.”

Amkeni! Oktoba

“Joot ka joot yudo chandruoge. Iparo ni joot nyalo yudo kanye paro makonyogi kendo migeno? [Rit dwoko. Kae to isom Zaburi 32:8.] Gocho makendeni mar Amkeni! nyiso puonj mopogore opogore mag Muma ma ka joot otiyogo to biro konyogi.”