Gima Wanyalo Wacho Kuom Gasedewa

Ohinga mar Jarito Mach 1

“Ji nigi paro mopogore opogore e wi Yesu. Iparo ni Yesu en wuod Nyasaye koso en mana ng’at maber kaka jomamoko?” Rit dwoko. Kae to usom weche mayudore e bwo penjo mondik madongo e ite mag 16-​17 kod achiel kuom ndiko moketi. Chiw gasedego, kendo itim chenro mar dok timo limbe mondo uwuo e wi penjo maluwo.

Amkeni! Mach

Kiromo gi rawera, nyise sula machakore e ite mar 26. Nyise wi wach matin mokwongo kae to ipenje kama, “Be iparo ni wechegi gin adier? [Rit dwoko. Kae to isom 2 Jo Korintho 7:1.] Sulani wuoyo kuom gik mowinjore ing’e e wi madho ndawa moriwo nyaka kaka ng’ato nyalo weyo madho ndawa.”

Ohinga mar Jarito April 1

“Ji mang’eny nigi yie mopogore opogore e wi Yesu. Be iparo ni owinjore ng’eyo adiera kuome? [Rit dwoko. Kae to isom Johana 17:3.] Gasedni lero gima Muma wacho e wi Yesu, kama ne oaye, kaka nodak kod gimomiyo notho.”

Amkeni! April

“Be iyie ni ka ng’at mwahero otho to mano bedo achiel kuom gik malitie moloyo ma dhano nyalo romogo? [Rit dwoko.] Ji mang’eny oseyudo ni paroni konyo. [Som Zaburi 55:22.] Gasedni wuoyo kuom paro moko manyalo konyo e nyagruok gi kuyo, kendo kaka wanyalo keto ting’wa kuom Nyasaye.”