Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar April

“Batiso en gima Jokristo mang’eny timoga. Iparo nade? Be batiso en gima ochuno? [Rit dwoko.] Sulani oting’o weche moko mabeyo ahinya e wi wachno.” Mi wuon ot Mnara wa Mlinzi ma April 1 kae to unon kanyachiel wach mayudore e wiye matin mokwongo e ite mar 16 kod moko kuom ndiko mayudore e wiyeno. Chiw gasedego kendo itim chenro mar dok wuoyo e wi penjo maluwo.

Ohinga mar Jarito April 1

“Ji nigi paro mopogore opogore e wi Yesu. Jomoko paro ni en e Mesia manosingi. Jomoko neno ni ne en mana ng’at maber. Moko to paro ni ne onge ng’at ma kamano. In to in gi paro mane? [Rit dwoko.] Kaluwore gi Muma, ng’eyo adiera e wi Yesu en gima dwarore ahinya. [Som Johana 17:3.] Gasedni nyiso dwoko ma Muma chiwo e wi moko kuom penjo ma ji nigo e wi Yesu.”

Amkeni! April

“Walimo joot ka wajiwore kodgi e wi wach moro. Be iyie ni joot romo gi pek mang’eny e kindegi? [Rit dwoko.] Ne ane kama joot mang’eny oseyudoe puonj makonyogi. [Som Zaburi 119:105.] Gasedni lero kaka puonj mag Muma osekonyo jonyuol moko ma nokendore ka nigi nyithindo e nyagruok gi pek moko makende.”