Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar April

“Kawuono wajiwo ji mondo osom Muma. Kata kamano, ji mang’eny neno ni ok yot winjo tiend weche manie Muma. In to ineno wachno nade? [Rit dwoko.] Ne ane gima gasedni wacho.” Nyise sula manie tok Ohinga mar Jarito ma April 1 kendo inon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo. Kapo ni uonge gi gasede mag April, tiuru gi gasede ma kanyaklau nigo kod Tijwa mar Pinyruoth manyiso kaka inyalo chiwgi.

Ohinga mar Jarito April 1

“Ng’ato ang’ata ma waromogo wacho ni en gi chandruok moro. Mani miyo jomoko wuoro gimomiyo wangima. Iparo ni ang’o momiyo ji onge gi mor e kindegi? [Rit dwoko.] Muma singonwa ni kinde osekayo ma Nyasaye biro goloe chandruoge ma waneno ndalogi. [Som Fweny 21:4.] Gasedni wuoyo kuom kaka ngimawa biro chalo e kinde mabiro kaachiel gi kaka wanyalo bedo gi ngima maber kata mana gie sani.”

Amkeni April

“Timbe mag gero e pacho en gima onya e piny ngima. Jomoko neno ni timbego onya nikech kit oganda ma ji owuokie, ot ma giponie, kod tuke kata sinembe manyiso timbe gero. In to iparo ni ang’o momiyo timbego onya ahinya? [Rit dwoko.] Muma nyiso winjruok maber monego obed e kind dichwo gi chiege. [Som Jo Efeso 5:⁠33.] Gasedni lero kaka tiyo gi puonj mag Muma osekonyo jomoko ma kend margi ne chiegni kethore.”