Gima Wanyalo Wacho Kuom Gasedewa

Ohinga mar Jarito April 1

“Jomoko paro ni kindewa mabiro nosechan chon, joma moko to paro ni wan ema wayiero kaka kindewa nobedi. In to iparo nade? [Rit dwoko.] Ne ane wach mayudore kae. [Som Eklesiastes 9:​11.] Gasedni wuoyo kuom dwoko ma Muma chiwo kuom penjoni, ‘Be nyalo bedo ni ngimawa nosechan chon?’” Nyis sula machakore e ite mar 26.

Amkeni! April

“Kend mang’eny kethore chuth nikech chode. Be iparo ni ka ji luwo gima ndikoni wacho kend nyalo siko? [Som Mathayo 5:​28. Kae to irit dwoko.] Gasedni tiyo gi Muma e konyo joma okendore mondo kik odonj e obadho mar chode.” Nyis sula machakore e ite mar 28.

Ohinga mar Jarito Mei 1

“Iparo ni ang’o manyalo miyo obed matek ne ng’ato keto yie kuom Nyasaye? [Rit Dwoko.] Kaluwore gi ndikoni, yie en gima dwarore ahinya. [Som Jo-Hibrania 11:6.] Gasedni wuoyo kuom yore ang’wen mwanyalo luwo mondo omi wateg yiewa.”

Amkeni! Mei

“E kindegi ji mathoth tiyo gi yiend thieth e yo marach. Iparo ni ang’o momiyo mano timore? [Rit dwoko.] Muma nyiso achiel kuom gik madongo momiyo mano timore, to moloyo kuom nyithindo. [Som Ngeche 13:20.] Gasedni wuoyo kuom kaka inyalo ritori iwuon kod joodi bende kuom chandruogni.”