Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Januar

“Dwaher winjo paro ma in-go kuom wach moro. Nyasaye nyinge ng’a? [Rit dwoko.] Ne ane gima gasedni wacho.” Mi wuon ot Ohinga mar Jarito ma Januar 1, kae to inyise sula mayudore e tok gaset, kendo unon kode wach mayudore e bwo wich matin mokwongo kaachiel gi moko kuom ndiko moket kanyo. Chiw gasedego kendo itim chenro mar dok nono penjo maluwo.

Ohinga mar Jarito Januar 1

“Ji mang’eny osebedo ka wuoyo e wi giko mar pinyni. Be iparo ni onego waluor giko mar piny? [Rit dwoko.] Kaluwore gi ndikoni, nitie joma biro tony. [Som 1 Johana 2:​17.] Gasedni wuoyo kuom dwoko ma Muma chiwo e wi penjo ang’wen ma ji mang’eny jobedogo e wi giko pinyni.”

Amkeni! Januar

“Walimo joot mondo wawuo kodgi kuom wach moro manyalo konyowa. Be iparo ni dwarore mondo joot oti gi weche ma Yesu nowachogi? [Som Tich Joote 20:35b, kae to irit dwoko.] Puonjo nyithindo mondo obed jochiwo ok en gima yot e piny ma ji mang’eny dewo mana wechegi giwegi. Gasedni chiwo yore moko ma jonyuol nyalo tiyogo e konyo nyithindgi mondo odew jomamoko.”