Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Januar

“Thoth ji nigi paro mopogore opogore e wi Nyasaye. Jomoko paro ni Nyasaye en teko moro magalagala. Jomoko to ong’eye kaka Wuoro ma jahera. In iparo ni Nyasaye en ng’ama chalo nade?” Rit dwoko. Nyise tok Ohinga mar Jarito ma Januar 1, kae to unon kode weche manie bwo penjo mokwongo kaachiel gi moko kuom ndiko moket kanyo. Chiw gasede, kendo itim chenro mar dok nono penjo maluwo.

Ohinga mar Jarito Januar 1

“Walimou machuok mondo wawuo kuom chandruok moro ma yudowaga waduto, ma en tho mar osiepewa kata wedewa. Donge en adier ni sama watwa kata osiepwa moro otho wawinjoga malit ahinya? [Rit dwoko.] Ndiko mayudore e Mumani osehoyo ji mathoth. [Som Isaiah 25:8.] Gasedni wuoyo kuom singo ma jiwowa waduto mayudore e Muma malero kaka Nyasaye biro tieko tho, kendo chiero jomotho.”

Amkeni!

“Kindegi joot mang’eny nigi pek ahinya, donge? [Rit dwoko.] Nitie ndiko moro e Muma manyisowa gima joot nyaka bedgo eka ginyagre maber gi pek ma giromogo. [Som Ngeche 24:3.] Ji mang’eny osefwenyo ni rieko madier yudore mana e Muma. Gasedni wuoyo kuom Websait moro makende moting’o weche Muma manyalo konyo joot, kendo joot nyalo tiyo kodgi maonge chudo.”