Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Januar

“Jomoko oyie ni Muma en buk migeno kuom weche mokor. Moko to neno ni oting’o weche maok winjre maler kendo minyalo lok e yore mang’eny. In ineno nade?” Rit dwoko. Kae to imi wuon ot Mnara wa Mlinzi ma Januar 1 kendo unon kanyachiel weche mayudore e bwo wiye matin mokwongo e ite mar 16 kod achiel kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Januar 1

“Wanyalo puonjore gik mang’eny kuom chwo gi mon ma rohuma ma nodak e higini machon. Be iyie gi mano? [Rit dwoko.] Ndikoni wuoyo e wi achiel kuom jogo, ma en kende e jal ma Muma luongo ni ‘osiep Nyasaye.’ [Som Jakobo 2:23.] Gasedni lero gimomiyo Nyasaye noluonge ni osiepne kendo owuoyo kuom gima wanyalo puonjore kuom ranyisi mar Ibrahim.”

Amkeni! Januar

“Asoya kod mibadhi mamoko onya ahinya e weche mag ohala. Jomoko neno ni bedo jaratiro ahinya e ohala nyalo miyo ohala kik dhi maber. In iparo nade? [Rit dwoko.] Ne ane ngero maywayo pachwani. [Som Ngeche 20:17.] Omiyo, ng’at ma jamibadhi gikone hinyore owuon. Gasedni lero gimomiyo bedo jaadier en gima ber kendo nyalore.”