Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Julai

“E ndalogi, ji mang’eny osedwaro ng’eyo weche mathoth e wi malaike. Be iparo ni malaike nitie adier? [Rit dwoko.] Ne ane gima gasedni wacho.” Mi wuon ot Mnara wa Mlinzi ma Julai 1, kendo unon kode wach mayudore e bwo wich matin mokwongo e ite mar 16 kod moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Julai 1

Som Zaburi 65:2. Kae to iwach kama: “Ji mang’eny oyie ni Nyasaye e ‘Jawinj kwayo mar ji,’ kendo mano miyo gilemo pile. Kata kamano, jomamoko to penjorega kama, ‘Ka Nyasaye nitie adier, ang’o momiyo piny opong’ gi chandruok?’ In to ineno wachno nade? Be nitie Nyasaye mawinjo lamowa? [Rit dwoko.] Gasedni wuoyo kuom dwoko ma Muma chiwo e wi penjoni: ‘Ang’o momiyo Jawinj lamo oyie mondo chandruok obedie?’”

Amkeni! Julai

“Dine bed ni in gi nyalo mar kelo lokruok achiel e piny, ditimo ang’o? [Rit dwoko.] Muma nyiso gimomiyo dhano onge gi nyalo mar timo gimoro amora modwaro. [Som Yeremia 10:23.] Gasedni lero lokruok ma Nyasaye biro timo.”