Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Julai

“Iparo ni Nyasaye winjo nade sama walemo? Be iparo ni Nyasaye mor gi lamowa koso owinjogi awinja nikech ok dotamwa lemo?” Rit dwoko. Nyise tok Ohinga mar Jarito ma Julai 1, kae to unon kode weche manie bwo penjo mokwongo kaachiel gi moko kuom ndiko moket kanyo. Chiw gasedego kendo itim chenro mar dok nono penjo maluwo.

Ohinga mar Jarito Julai 1

“Be iparo ni nikech Nyasaye e wuon teko duto en ema okelo chandruoge duto ma waneno e piny? [Rit dwoko. Kae to som Jakobo 1:​13.] Gasedni lero gimomiyo gik maricho timore kod gima Nyasaye biro timo mondo otiek richo kod chandruok.”

Amkeni! Julai

“Chiegni ni dhano duto yudo masira kinde ka kinde. Jomoko yudo masiche kaka tuoche, tho mar wat kata osiep, kod masiche mamoko maok nyal geng’. Sama gik ma kamago otimore, be bedo gi paro mowinjore kuom wechego nyalo konyowa? [Rit dwoko.] Ji mang’eny oseyudo ni Muma konyogi ahinya e nyagruok gi masiche. [Som Jo Rumi 15:4.] Gasedni leronwa kaka Muma nyalo konyowa sama waromo gi masira.”