Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Julai

“Ji mang’eny ong’eyo weche mayudore e Lamo mar Ruoth mawacho ni: ‘Pinyruodhi mondo obi. Gi midwaro mondo otimre e piny kaka e polo.’ Iparo ni Pinyruodhno en ang’o? [Rit dwoko.] Ndikoni konyowa dwoko penjono.” Som Daniel 2:44. Kae to imi wuon ot Mnara wa Mlinzi ma Julai 1, somuru kendo uwuo e wiye matin mokwongo manie ite mar 16. Chiw gasede kendo itim chenro mar dok nono dwoko mar penjo maluwo.

Ohinga mar Jarito Julai 1

“Bedo ni ngima dhano chiek ahinya kendo opong’ gi chandruok, ji mang’eny penjore gimomiyo gingima. Be isepenjorie penjono? [Rit dwoko.] Muma singonwa ni ngima ok bi siko gi gik maricho mwanenogi. [Som Fweny 21:4.] Gasedni wuoyo kuom dwaro mar Nyasaye ne piny kendo nyiso gik mwanyalo timo mondo wayud mor kata mana e kindegi.”

Amkeni! Julai

Wuo kuom masira moro ma eka oa landi. Kae to iwach kama: “Iparo ni ang’o momiyo Nyasaye oweyo mondo gik ma kamagi otimre? [Rit dwoko.] Muma nyiso ni Nyasaye kecho joma chandore. [Som Wuok 3:7.] Muma bende nyisowa gimomiyo Nyasaye oweyo mondo chandruok obedie kendo kaka obiro tieko chandruok chuth e kinde mokayo. Gasedni lero wachno.”