Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Julai

“Waduto dwaher dak aming’a ka wan gi mor. Mano emomiyo dwaher winjo paro ma in-go kuom penjoni: Be lony ma dhano nigo e weche sayans kod thieth chieng’ nomi wadag mochwere? [Rit dwoko.] We atang’nie wach moro kae.” Nyise tok Ohinga mar Jarito ma Julai 1 kendo inon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Paruru: Paro mochiw maloni onego otigo bende e timo ranyisi e romo mar dhi lendo chieng’ Ngeso ma Julai 6.

Ohinga mar Jarito Julai 1

“Ji mang’eny nigi dindegi. Kata kamano, jomamoko to wacho ni weche din ojonyogi. In to ineno weche mag din nade? [Rit dwoko.] Yesu nopuonjowa kaka wanyalo ng’eyo ka din moro en mar adier kata mar miriambo. [Som Luka 6:44a.] Gasedni lero moko kuom olembe maricho ma din osenyago. Bende odwoko penjoni: Be nitie din moro amora ma inyalo gen?”

Amkeni! Julai

“Walimou mondo wago mbaka e wi wach moro machando pach ji mang’eny, ma en tim mar mayo ji ratiro margi. Jomoko oseyiero mar ng’anyo mondo giked gi timno. Kata kamano, be iparo ni ng’anyo osekelo ne ji lokruok maber? [Rit dwoko.] Muma nyisowa kuma lokruok madier biro ae. [Som Mathayo 6:9, 10.] Gasedni chiwo dwoko mar penjoni: Be ng’anyo nyalo kelo lokruok?”

Wach Maber Mowuok Kuom Nyasaye!

“Walimo ji e alworauni mondo wajiwre kodgi kuom wach moro mayudore e Muma. Ji mang’eny ma wasewuoyogo wuoro kaka Nyasaye ma jahera nyalo weyo ji ochandre malich kama to oneno. Iparo nade, be Nyasaye noketowa e pinyni mana ni mondo wachandre?” Rit dwoko. El Sula mar 5, kae to unon paragraf manie bwo penjo mokwongo kaachiel gi ndiko mopiel e paragrafgo. Chiw brosuano, kendo itim chenro mar dok nono penjo mar ariyo.