Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Mei

“Be iparo ni din jiwo hera kod kuwe koso ojiwo sigu kod timbe gero? [Rit dwoko.] We anyisie gimoro manyalo mori e wi wachni.” Mi wuon ot Mnara wa Mlinzi ma Mei 1 kae to unon kanyachiel wach mayudore e wiye matin mokwongo e ite mar 16 kod moko kuom ndiko mayudore e wiyeno. Chiw gasede kendo itim chenro mar dok wuoyo e wi penjo maluwo.

Ohinga mar Jarito Mei 1

“Ji mang’eny paro ni ber kadin odonjore e weche siasa, jomoko to paro ni ok owinjore oriw weche din gi siasa. In to iparo nade? [Rit dwoko.] Ne ane gima Yesu notimo kane ji dwaro ni odonj e weche siasa ma kindene. [Som Johana 6:15.] Gasedni lero gimomiyo Yesu notimo kamano kendo olero yo maberie moloyo ma Jokristo nyalo konyogo jomamoko.”

Amkeni! Mei

“Chiegni ni ng’ato ka ng’ato ma wawuoyogo oyie ni osetimne gima ok owinjore e kinde moro. Be iparo ni jogo ma itimonegi gik maricho nigi geno moro amora? [Rit dwoko.] Ne ane weche mokorgi e wi jaloch mabiro tieko timbego. [Som Zaburi 72:11-14.] Gasedni wuoyo kuom singo ma Muma chiwo e wi kinde mokayo ma timbe maricho ok nobedie.”