Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Desemba

“Ji mang’eny rito duok Yesu. Dabed ni Yesu nyalo biro sani, ang’o ma diher ni otim?” Rit dwoko. Nyise tok Ohinga mar Jarito ma Desemba 1, kae to unon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Desemba 1

“Ji mang’eny tinde odich ma kata mana thuolo mar paro Nyasaye ema giongego. Be iparo ni onego wadwar Nyasaye e ngimawa? [Rit dwoko.] E twak ma Yesu nogolo mong’ere ahinya kaka Twak mar Got, nowacho ni mondo mi wabed gi mor e ngima, nyaka wadwar Nyasaye. [Som Mathayo 5:3.] Gasedni lero weche adek momiyo onego wadwar Nyasaye.”

Amkeni! Desemba

“Thoth ji timoga yiero kaluwore gi gik ma giwinjo kata ma gisomo e gige fwambo gi keyo. Be iparo ni weche duto ma wawinjoga kata ma wasomo gin adiera kendo minyalo gen? [Rit dwoko.] Muma nyisowa ni onego watang’ gi gik ma wawinjo. [Som Ayub 12:11.] Gasedni leronwa moko kuom gik manyalo konyowa e pogo kabe weche ma wawinjo kata ma wasomo gin adier koso miriambo.”