Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Desemba

“Walimou gi wach moro ma nyalo konyo joot mang’eny. Jonyuol mang’eny gomboga ni nyithindgi obed joma oluoro Nyasaye. Be iparo ni jonyuol nyalo puonjo nyithindgi mondo ong’e Nyasaye, koso onego giwe aweya nyithindgi omany Nyasaye kigin?” Rit dwoko. Nyise tok Ohinga mar Jarito ma Desemba 1, kae to unon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Desemba 1

“Dwaher goyo kodu mbaka machuok e wi Nyasaye. Wang’eyo ni ji nigi paro mopogore opogore kuom Nyasaye, ka jomoko paro ni Nyasaye en mana teko moro ma ni kamoro, to jomoko to nene kaka ng’ato adier kendo osiepgi machiegni ahinya. In to inene nade? [Rit dwoko.] Nitie ndiko moro e Muma kae ma nyisowa winjruok ma Nyasaye dwaro ni wabedgo kode. [Som Jakobo 4:8a.] Gasedni lero gik moko adek ma ka watimo, to wanyalo sudo machiegni gi Nyasaye.”

Amkeni! Desemba

“Wabiro kae machuok mondo wawuo kuom paro ma Muma chiwo ma nyalo konyowa nyagore gi chandruok moro ma sani thago ji mang’eny. Nonro moro ma ne otim gi riwruok mar piny ngima ma nono weche thieth kod tuoche (World Health Organization) wacho ni kuom ji ang’wen ka ji ang’wen, ng’ato achiel kuomgi nyaka chieng’ moro yud tuwo moro ma chocho obwongo, kaka depression. Be iparo ni tuoche ma kamago tinde onya ahinya kopim gi kinde mosekalo? [Rit dwoko.] Muma miyowa geno majaber ni kiny-kiny kae, ji biro dak e pinywani ka gionge tuoche kod rem. [Som Fweny 21:3, 4.] Gasedni wuoyo kuom weche moko monego wang’e e wi tuoche ma chocho obwongo.”