Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Mei

“Walimi machuok mondo wawuo e wi penjo moro ma chando pach ji mang’eny. [Nyise penjo mokwongo manie tok Ohinga mar Jarito mar Mei 1.] In didwok penjono nang’o?” Rit dwoko. Non kode weche manie bwo penjono kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Mei 1

“Walimi machuok mondo wawuo kodi kuom wach moro. Ji mang’eny nigi siso mar ng’eyo kaka ngima biro chalo e kinde mabiro. Sama iparo kuom ngima mar kinde mabiro, ijawinjo ka in-gi chir, koso chunyi jachandore? [Rit dwoko. Kae to som achiel kuom ndiko mayudore e wich ma wacho ni “Gik ma Nyasaye Osewacho ni Biro Timore,” manie ite mar 7.] Gasedni lero moko kuom gik ma Nyasaye owacho ni biro timore e kinde mabiro, kendo olero gimomiyo wanyalo bedo gadier ni gigo biro chopo.”

Amkeni! Mei

“Walimo ji machuok mondo wapimnegi kaka ginyalo nyagore gi parruok. Donge nenore maler ni tinde dhano nigi parruok moloyo kinde moro amora mosekalo? [Rit dwoko.] Ji mang’eny oseyudo ni tiyo gi puonj mayudore e Muma konyogi nyagruok gi parruok ma gin-go. Achiel kuom puonjgo yudore e ndikoni. [Som Mathayo 6:​34.] Gasedni lero kaka puonj mag Muma nyalo konyowa nyagruok gi gik moko ang’wen ma kelo ne ji mang’eny parruok.”

Paruru: Gasedni nyalo moro ahinya-ahinya jolok ohala.