Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Februar

“Waseyudo ni joma wawuoyogo nigi paro mopogore opogore e wi Muma. Jomoko wacho ni Muma en Wach Nyasaye, moko to wacho ni en mana buk abuka kaka buge mamoko. To nade in?” Rit dwoko. Nyise tok Ohinga mar Jarito ma Februar 1, kae to unon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Februar 1

“Ji mang’eny diher neno ka lweny orumo. Be iparo ni chieng’ moro piny nyalo bedo gi kuwe? [Rit dwoko.] Nee gima Ndiko singonwa. [Som Zaburi 46:9.] Parie ni gik ma notimore e Lweny Mokwongo mar Piny Ngima kod mamoko mosebedo katimore nyaka sani miyo wabedo gadier ni Nyasaye chiegni timo gik mowachi e ndikoni, mi otiek lweny chuth. Gasedni lero wechego.”

Amkeni! Februar

“Dwaher goyo mbaka kodi e wi wach moro. Tinde ji ok yud thuolo moromo mar timo gik ma gidwaro. Iparo ni thuolo ok romwa nikech wadich ahinya, koso nikech waketho sa ahinya? [Rit dwoko.] Ji mang’eny ok ong’eyo ni Muma oting’o puonj mabeyo manyalo konyowa tiyo gi thuolowa e yo maber. Achiel kuom puonjgo yudore e ndikoni. [Som Jo Filipi 10:10a.] Gasedni lero gik moko ang’wen ma osekonyo ji mang’eny tiyo gi thuologi e yo maber.”