Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Februar

“Be iparo ni Nyasaye nigi riwruok e kindegi, koso otiyo gi ng’ato achiel achiel? [Rit dwoko.] Ne ane gima gasedni wacho kuom ji ma Nyasaye notiyogo kaka riwruok mare e higini machon.” El ite mar 26 e Mnara wa Mlinzi ma Februar 1, kendo uwuo kuom wach mayudore e wiye matin mokwongo kod achiel kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Februar 1

“E higini mokalo, ji osewuoyo ahinya e wach mar Har–Magedon. Be iparo ni nitie gima dhano nyalo timo mondo gigeng’ Har–Magedon kik timre? [Rit dwoko.] Ma e kama ogolie wach mar ‘Har–Magedon.’ [Som Fweny 16:16. Kae to inyise ng’e gasedno.] Gasedni nyiso dwoko ma Muma chiwo e wi penjogi.”

Amkeni Februar

“E kindegi ji mang’eny ohero tudore gi jowadgi e Intanet. Be iparo ni yor tudruokni nyalo kelo hinyruok moro amora? [Rit dwoko.] Muma nigi puonj manyalo konyowa mondo wati gi Intanet e yo maok nyal hinyowa. [El ite mag 6-9, kendo iwuo kuom achiel kuom penjo moket kanyo kod ndiko achiel.] Gasedni biro konyi fwenyo hinyruok manyalo bedoe kuom tudruok gi jomoko e Intanet kod kaka inyalo geng’o hinyruokgo.”