Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Septemba

“Ji mawuok e ogendini mopogore opogore kendo ma nigi yie mopogore opogore lemo pile. Be iparo ni Nyasaye winjo kendo dwoko lamo duto?” Rit dwoko. Kae to miye Mnara wa Mlinzi ma Septemba 1, kendo uwuo kuom wach mayudore e wiye matin mokwongo manie ite mar 16 kod achiel kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Septemba 1

Nyise tok gasedno, kae to iwach kama: “Inyalo dwoko nade penjoni? [Rit dwoko.] Ne ane gima Muma wacho. [Som 1 Johana 5:19.] Kaluwore gi wechegi, ‘ng’a marachno’ kata Jachien ema locho e wi piny. Kata kamano wachno miyo wapenjore penjo moko. Jachien noa kanye? Be en ng’ato adier? Nyasaye biro weyo mondo oloch nyaka karang’o? Gasedni nyiso gima Muma wacho.”

Amkeni! Septemba

“Thoth ji nigi parruok ahinya nikech weche mag pesa. Iparo ni ang’o mamiyo yore mag yuto bedo matek? [Rit dwoko.] Muma nigi weche moting’o rieko mosekonyo ji mang’eny tiyo maber gi pesa ma giyudo. [Som achiel kuom ndiko mayudore e ite mag 8-9.] Gasedni chiwo paro makonyo ne jogo matimo matek mondo ochul gope.”