Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Septemba

“Ji mang’eny oyie ni malaike nitie. To nade in? [Rit dwoko.] Nikech malaike gin chuech mag roho, gin gi teko mang’eny, kata kamano be iparo ni ginyalo konyowa? Muma nyisowa kaka gikonyo dhano e kindegi.” Nyise tok Ohinga mar Jarito ma Septemba 1, kae to unon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Septemba 1

“Ineno nade? Dibed ni dhano oseketho piny e okang’ ma ok nyal lose kendo? [Rit dwoko.] Kata obedo ni dhano onge gi nyalo mar loso piny ma gisekethoni, Muma nyisowa ni Nyasaye to nigi nyalo mar loso piny, kendo ogombo timo mano. Zaburi 65:9 singonwa kama. [Som.] Gasedni leronwa kaka Nyasaye biro loso piny kod kaka wanyalo yudo gueth mag kinde mabirogo. Daher weyonigo mondo isome.”

Amkeni! Septemba

“Ji mang’eny tinde neno ni iturogi gi tich mang’eny ahinya kuonde ma gitiye to onge gima ginyalo time. Joma olony e weche tich wacho ni ka ng’ato tiyoga mokalo tong’, to onyalo winjo ka ool ahinya kendo mano nyalo hinyo dende kendo miyo kik obed mamor. Iparo ni ang’o mwanyalo timo mondo tich kik diwa mokalo tong’? [Rit dwoko.] Nee dwoko ma Muma chiwo e wi wachno. [Som Eklesiastes 4:6.] Gasedni leronwa gik moko ang’wen mwanyalo timo mondo waket gik mochuno ema obed mokwongo kod kaka wanyalo nyagore gi olo ma ahinya sama watiyo.”