Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Septemba

“Ji mang’eny oyie ni nitie chieng’ ma Nyasaye biro ng’adonegi bura kaluwore gi timbegi. Be iparo ni onego warit Odiechieng Bura gi siso koso gi luoro? [Rit dwoko.] Ne ane gima gasedni wacho.” Mi wuon ot Mnara wa Mlinzi ma Septemba 1, kendo unon kode wach mayudore e bwo wich matin mokwongo e ite mar 16 kod moko kuom ndiko moket kanyo. Chiw gasedego kendo itim chenro mar dok nono penjo maluwo.

Ohinga mar Jarito Septemba 1

“Kuonde mang’eny e piny, ji ochayo mon ahinya. Gima lit en ni puonj mag dinde moko ema osejiwo wachno. Be iparo ni Nyasaye dewo mon kuom adier? [Rit dwoko.] Ne ane gima Muma nyiso chwo kuom kaka onego gidag gi mondegi. [Som Jo Efeso 5:28, 29.] Gasedni nyiso gima Muma wacho kuom kaka Nyasaye neno joma mon.”

Amkeni! Septemba

“Ji mang’eny wacho ni gik moko kaka lweny mar nyuklia, masira moro machalo tuomruok mar sulwe, kata lokruok mar yamo chieng’ moro nyalo tieko ngima e pinyni. Be iparo ni gik ma ji wachogo gin adier koso gin gik ma giparo apara? [Rit dwoko.] Muma hoyowa gi singo ma jaberni. [Som Zaburi 37:29.] Gasedni nono moko kuom gik ma dhano osetimo e odiechienge ma giparo ni piny kethoree, to bende onyiso gima Muma wacho kuom kinde mabiro.”