Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Jun

“Walimi machuok mondo wawuo kuom penjoni. [Nyise tok Ohinga mar Jarito ma Jun 1.] In didwok penjoni nade?” Rit dwoko. Non kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Jun 1

“Higa ka higa, ndawa nego ji ma dirom milion auchiel. Be iparo ni nitie gima inyalo tim mondo ndawa kik neg ji mang’eny kamano? [Rit dwoko.] Nitie ji mang’eny ma osekedo moweyo ndawa bang’ nono paro ma Nyasaye nigo e wi ndawa. Kuom ranyisi, ndikoni osemiyo moko kuom jomadh ndawa oparo diriyo kuom kaka timgino nyalo hinyo jomamoko. [Som 1 Jo Korintho 10:24.] Gasedni lero kaka nono paro ma Nyasaye nigo e wi ndawa nyalo miyo ng’ato owe ndawa chuth.”

Amkeni! Jun

“Kuonde mitudruokie gi osiepe e Intanet osemiyo ji omedo kwan mar joma giluongo ni osiepegi. To apenjie, en kido mane ma osiep madier onego obedgo? [Rit dwoko.] We asomnie achiel kuom kido ma Muma wacho ni osiep madier onego obedgo. [Som Jakobo 1:19.] Gasedni lero puonj moko ang’wen ma ka waluwo, to jomamoko nyalo dwaro ni gibed osiepewa.”