Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Jun

“Ji duto ma wasewuoyogo wacho ni digiher neno ka dhano duto odak gi kuwe. Kata kamano, lwenje to pod nitie. Ineno nade, ang’o momiyo kinda ma ji osetimo mar temo kelo kuwe e piny pok obedo gi nyak?” [Rit dwoko.] Nyise sula manie tok Ohinga mar Jarito ma Jun 1 kendo inon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo. Kapo ni uonge gi Ohinga mar Jarito ma Jun 1, tiuru gi Ohinga mar Jarito moro amora manyien ma kanyaklau nigo kod Tijwa mar Pinyruoth manyiso kaka inyalo chiwgi.

Paruru: Paro mochiw maloni onego otigo e timo ranyisi e romo mar dhi lendo chieng’ Jun 1.

Ohinga mar Jarito Jun 1

“Walimou machuok mondo walosie kodu kuom chandruok moro ma omako ji ahinya. Ji mang’eny ijaro nikech kaka gichalo kata nikech kuma ne giponie. Iparo nade, be nitie kamoro amora e piny kae maok jarie ji nikech kaka gichalo kata kuma ne giponie? [Rit dwoko.] Nee paro ma Nyasaye nigo kuom dhano duto. [Som Tich Joote 10:34.] Gasedni lero kaka Nyasaye biro tieko tim mar jaro ji.”

Amkeni! Jun

“Dwaher winjo paro ma in-go kuom wach moro. Waduto wadwaro ni wabed gi ngima maber. Iparo nade, be wanyalo bedo gi ngima maber mana kuom bedo gi mwandu mang’eny? [Rit dwoko.] We asomnie gima Yesu nowacho e wi wachni. [Som Luka 12:15.] Gasedni konyowa neno kaka wanyalo bedo gi paro mowinjore kuom mwandu, kendo olero gik manyalo konyowa e kungo.”