Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Oktoba

“Walimou machuok mondo wawuo kodu kuom wach moro. Ng’eny joma wasegawuoyogo wacho ni achiel kuom chandruoge madongo ma giseromogo en tho mar watgi kata osiepgi. In to ineno nade? [Rit dwoko.] We anyisie wach moro kae ma nojiwa ahinya.” Nyise tok Ohinga mar Jarito ma Oktoba 1, kae to unon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Oktoba 1

“Kawuono wajiwo ji mondo osom Muma. Nitie joma ohero somo Muma, jomoko to ok ohero. To nade in? [Rit dwoko.] Nee gima Muma wacho. [Som 1 Jo Thessalonika 2:13.] An gadier ni kiyie ni Muma en buk mowuok kuom Nyasaye, to mano nyiso bende ni iyie ni owinjore wasome. Gasedni leronwa gik ma Muma wuoye kaachiel gi gimomiyo onego wasome.”

Amkeni! Oktoba

“Daher winjo paro ma in-go e wi penjo moro: Be ng’ato nyalo bedo gi chuny mokuwe kata ka oonge gi mwandu? [Rit dwoko.] Ne ane gima Muma wacho. [som 1 Timotheo 6:8.] Gasedni lero kaka wanyalo bedo gi paro mowinjore kuom mwandu, kendo olero gik moko adek madongo maok wanyal ng’iewo gi pesa.”