Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Oktoba

“Walimou machuok kawuono mondo wawuo e wi kaka wanyalo yudo sirkal maber. Be iparo ni nitie sirkal moro amora manyalo tieko timbe gero kod chandruoge mamoko kaka mago?” Rit dwoko. Par ne wuon ot ni e Lamo mar Ruoth, Yesu nopuonjo jolupne ni gilam mondo sirkal ma kamano obi; sirkandno en Pinyruodh Nyasaye. Nyise tok Ohinga mar Jarito ma Oktoba 1, kae to unon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Oktoba 1

“Kawuono wagoyo mbaka gi ji e alworawa e wi weche moko ma ji mang’eny ong’eyo; gin weche ma Yesu nowacho e lamo ma nopuonjo jolupne. [Som Mathayo 6:9, 10.] Be ing’eyo malong’o gima Pinyruoth Nyasaye en kod gimomiyo Yesu nojiwo wach Pinyruodhno ahinya sama nopuonjo? [Rit dwoko.] Gasedni lero gima Muma wacho e wi Pinyruodh Nyasaye kod gueth mabeyo ma Pinyruodhno biro kelo e pinywani.”

Amkeni! Oktoba

“Walimou machuok mondo wawuo kuom penjoni. [Tang’ne wach maduong’ manie nyim gaset.] Be iparo ni ng’ato nyaka bed jamwandu eka ngimane odhi maber? [Rit dwoko.] Muma konyowa mondo wabed gi paro mowinjore e wi mwandu. [Som Luka 12:15.] Muma leronwa ni ng’ato ang’ata nyalo bedo gi ngima ma dhi maber kodwaro. Gasedni lero kaka mano nyalore.”