Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Oktoba

“E kinde matekgi, waduto waromo gi chandruoge makelo parruok ahinya e ngima joot. Iparo ni wanyalo yudo kanye weche migeno manyalo konyowa mondo wabed gi mor e ngimawa mar joot?” Rit dwoko. Kae to mi wuon ot Mnara wa Mlinzi ma Oktoba 1 kendo uwuo kuom achiel kuom weche mayudore e bwo wiye matindo e ite mag 16 kod 17 kod achiel kuom ndiko moket kanyo. Chiw gasede kendo itim chenro mar dok wuoyo e wi penjo machielo.

Ohinga mar Jarito 1

Nyis wuon ot ng’e gasedno, kae to ipenje kama, “Diwinj nade kapo ni ifwenyo ni ji osebedo ka nyisi miriambo e wi Nyasaye? [Rit dwoko.] Ne ane gima Yesu nowacho ni nyalo konyowa pogo adiera kod miriambo. [Som Johana 17:17.] Omiyo Muma kende ema nyisowa adiera e wi Nyasaye. Gasedni wuoyo kuom miriambo abich madongo e wi Nyasaye ma Muma elo.”

Amkeni! Oktoba

“Walimou kae mondo wane kaka wanyalo konyo joot. Iparo ni en pek mane maduong’ ma jonyuol yudo e kindegi e wi wach pidho nyithindo? [Rit dwoko.] Thoth jonyuol ogeno Muma mondo giyud paro makonyo. Kuom ranyisi, weche moting’o riekogi konyo ahinya seche ma jonyuol rieyo nyithindgi. [Som Jo Efeso 4:31.] Gasedni nyiso kaka paro mawuok e Muma nyalo konyo jonyuol mondo opidh nyithindgi ae tin-gi nyaka gibed joma dongo.”