Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Desemba

“An gadier ni iyie ni ji duto dwaro bedo gi osiepe. En kido mane ma in ihero ahinya kuom osiep? [Rit dwoko.] Ne ane gima kae wacho kuom gimomiyo onego wayier osiepewa e yo mariek.” Mi wuon ot Mnara wa Mlinzi ma Desemba 1, kae to usom kendo uwuo e wiye matin mokwongo manie ite mar 16. Som achiel kuom ndiko moket kanyo. Chiw gasede kendo itim chenro mar dok nono dwoko mar penjo maluwo.

Ohinga mar Jarito Desemba 1

“Be isegapenjori gimomiyo masiche osebedo katimore mang’eny e kindegi? [Rit dwoko.] Ber ng’eyo ni Muma nokoro kinde ma masiche ne dhi timore ahinya. [Som Mathayo 24:7, 8.] Gasedni chiwo dwoko mag penjogi: Ang’o momiyo masiche timore ahinya e kindegi? Dibed ni gin kum mowuok kuom Nyasaye? En ang’o manyalo miyo wabed gadier ni Nyasaye biro tieko masiche e kinde mokayo machiegni?”

Amkeni! Desemba

Som 2 Timotheo 3:16. Kae to iwach kama: “Jomoko oyie ni Muma nokudh gi much Nyasaye, jomoko to ok oyie. In iparo nade? [Rit dwoko.] Kata obedo ni ji nigi paro mopogore opogore kuom penjono, ng’enygi to oyie ni Muma e buk kende ma ji osetimo matek mondo okethi. Gasedni lero moko kuom kinda ma ji osetimo kuom higini mang’eny mondo giketh Muma kendo tamo ji some. Bende olero gimomiyo Muma pod nitie kata obedo ni ji osetemo kethe.”