Lendo

◼ Buge milendogo e dwe mar Februar: Jolendo nyalo chiwo achiel kuom buge maluwogi: Be Ing’eyo Gima Kelo Mor mar Joot?, Biblia—Neno la Mungu au la Binadamu?, kod Je, Kuna Muumba Anayekujali? Mach: Ang’o ma Muma Puonjo Kuom Adier? Tim kinda mar chako puonjruok mag Muma gi ji e limbe mokwongo. Ka weg udi nigi bugni to ok girwako puonjruok mar Muma, jolendo nyalo chiwo moro amora kuom gasede machon kata brosua ma jogo diher somo. April kod Mei: Gasede mag Ohinga mar Jarito kod Amkeni! Kuonde ma ji orwakoe wach, inyalo chiwo trakt mar Bende Diher Ng’eyo Adiera? kendo itim kinda mar chako puonjruok mar Muma kodgi. Seche ma idok limo jogo ma jobiro e Rapar kata e chokruoge mamoko mag Joneno to pod ok gisebedo machiegni ahinya gi kanyakla, tim kinda mar chako puonjruok mar Muma kodgi kitiyo gi bug Muma Puonjo.

◼ Twak makende ibiro gol e giko juma mar Rapar kendo nobed gi wich mawacho ni “Be Dibed ni Giko Chiegni Moloyo Kaka Iparo?”

◼ Kapo ni idwaro dhi limo piny moro masani nyinge ok yudre e ripot mar tij lendo ma higani kata ma adresne ok oket e ite mogik e bug Kitabu cha Mwaka ma higani, inyalo penjo bad ofis manie pinyu mondo onyisi gik monego itang’go kata weche monego iluw. Seche moko nyalo bedo ni tij Pinyruoth ogo marfuk e pinyno. (Math. 10:16) E pinje moko, nyalo bedo maber ka joma welo ok otudore gi Joneno kata kanyakla manie pinjego. Inyalo nyisi weche moko motudore gi lendo e seche maok in e tij lendo kata weche motudore gi ting’o bugewa. Luwo weche monyisi biro konyi geng’o chandruok minyalo kelo ne in iwuon kata ne tij Pinyruoth e pinyno.—1 Kor. 14:33, 40.