Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Mach

“Ji mang’eny timo nyasi mar paro nyuol Yesu, to be iparo ni timo rapar mar tho Yesu en gima ochuno?” Rit dwoko. Kae to imi wuon ot Mnara wa Mlinzi ma Mach 1, kendo unon kanyachiel wach mayudore e wiye matin mokwongo e ite mar 16 kod achiel kuom ndiko moket kanyo. Tim chenro mar dok wuoyo e wi penjo maluwo.

Ohinga mar Jarito Mach 1

“Nitie kanise mang’eny ma nigi yie kod timbe mopogore opogore. Be iparo ni ng’ato ang’ata mawacho ni en Jakristo, en Jakristo adier? [Rit dwoko.] Kaluwore gi Yesu, achiel kuom kido mafwenyo Jokristo madier en mae. [Som Johana 13:34, 35.] Gasedni wuoyo kuom weche abich ma Yesu nowacho makonyowa fwenyo jolupne madier.”

Amkeni! Mach

“Wawuoyo gi jowetewa kuom kido moro mosebedo ka chando ji ahinya. Nenore ni kindegi ji medo bedo gi ich wang’ kendo gihero dhawo. Iparo ni ang’o momiyo mano timore? [Rit dwoko.] Ne ane gima Muma wacho kuom ich wang’. [Som Zaburi 37:8.] Gasedni nyiso moko kuom gik momiyo ich wang’ medore e kindegi kod kaka wanyalo thire.”