Kaka Wanyalo Medo Lony e Tij Lendo​—Chopo e Chuny Japuonjre ka Watiyo gi Bug “Ritreuru e Hera mar Nyasaye”

GIMOMIYO MANO DWARORE: Ji nyaka puonjre chike mag Jehova kendo nyaka giluw chikego mondo eka gilame e yo mowinjore. (Isa 2:3, 4) Bug “Hera mar Nyasaye” ma en buk mar ariyo ma watiyogo e puonjo ji Muma, konyo jopuonjre mondo ging’e kaka puonj mag Jehova otudore gi ngimagi mapile. (Hib 5:14) Nyaka watem chopo e chunygi sama wapuonjogi nikech timo kamano biro miyo gitim lokruok e ngimagi.—Rum 6:17.

KAKA WANYALO TIMO MANO:

• Tim ikruok maber kiparo chal mar japuonjreni. Ik penjo moko ma biro konyi ng’eyo paro ma en-go e wi gima upuonjoru.—Nge 20:5; be 259

• Ti gi sanduge ma yudore e bugno mondo ikony japuonjre one gimomiyo dwarore ni oti gi puonj mag Muma e ngimane

• Kony japuonjre mondo ong’e kaka onyalo ng’ado paro e wi gik ma en ema onego otimie yiero, to kik ing’adne paro in iwuon.—Gal 6:5

• Ti gi rieko mondo ifweny kabe dwarore ni ikony japuonjre ong’e kaka onyalo tiyo gi puonj moko mag Muma e ngimane. Jiwe e yo mang’won mondo otim lokruok kaluwore gi hera moseherogo Jehova.—Nge 27:11; Joh 14:31