Ti gi Ngimani e Pako Jehova!

Ngima en mich maduong’ ahinya. Yo ma watiyogo gi ngimawa odiechieng’ kodiechieng’ nyiso ka be wageno mich mar ngima. Watemo ahinya tiyo gi nyalo ma wan-go mondo wapak Jehova kendo wamiye duong’ nikech en e momiyowa ngima. (Za 36:9; Fwe 4:11) Kata kamano, parruok mang’eny ma pile ka pile nyalo miyo wiwa wil gi pako Nyasaye. (Mar 4:18, 19) Ng’ato ka ng’ato onego openjre niya: ‘Be kuom adier amiyo Jehova gima berie moloyo? (Hos 14:2) Dibed ni tija mona tiyo ne Nyasaye e yo maber? An gi chenro mage mag tiyo ne Nyasaye? Anyalo timo ang’o mondo ati ne Nyasaye e okang’ momedore?’ Ka ifwenyo ni nitie kama onego itimie lokruok, kwa Jehova mondo okonyi, kae to itim lokruogego. Onge kiawa ni pako Jehova odiechieng’ kodiechieng’ miyo wabedo mamor e ngimawa.​—Za 61:8.

NEURU VIDIO MA WIYE WACHO NI TI GI NYALONI E PAKO JEHOVA, KAE TO UDWOK PENJO MA LUWOGI:

• Ang’o momiyo ok en gima nyiso rieko tiyo gi nyalo ma wan-go e piny Satan? (1Jo 2:17)

• Joma chiwore ne Jehova gi chunygi duto yudo gueth mage?

• Gin tije kaka mage ma inyalo chiwori mondo iti ne Jehova gi nyalo ma in-go?