Inyalo Lendo Kendo Puonjo!

Ka ne Jehova omiyo Musa migawo, Musa ne neno ni ne ok onyal timo migawono. (Wu 4:10, 13) Be isegawinjo kamano? Be dibed ni ipuonjori Muma gi Joneno mag Jehova? Dibed ni iparori ka be ibiro nyalo lendo ot ka ot? Kata samoro in rawera ma yudo ka lendo e skul tekne. Kata nyalo bedo ni iluor lendo ka itiyo gi simo kata iluor tiyo gi yore mamoko ma ilendogo e lela. Kwa Jehova rohone maler mondo okonyi. (1Pe 4:11) Bed gadier ni Jehova nyalo konyi timo migawo moro amora ma omiyi.​—Wu 4:11, 12.

NEURU VIDIO MA WIYE WACHO NI, BED GI CHIR . . . JOLENDO, KAE TO UDWOK PENJO MA LUWOGI:

• En pek mane ma Nyaminwa Aoyama noromogo?

• Ang’o ma nokonye mondo obed gi chir?​—Jer 20:7-9

• Dwaro timo mathoth e tij Jehova nokonye nade?

• Gin pek mage e tij lendo ma Jehova nyalo konyi loyo?