Jehova Rito Joge

Pasaka ma ne otim mokwongo ne okaw mapek ahinya. E otienono, ka ne Farao ofwenyo ni nyathine makayo otho, nonyiso Musa niya: “Wuoguru ua e kind joga, in kaachiel gi Jo-Israel duto. Dhiuru ulam Jehova mana kaka usebedo kudwaro.” (Wu 12:31) Jehova nonyiso maler ni en Nyasaye ma rito joge.

Ka wanono gik ma jotich Jehova osebedo ka timo e kindegi, nenore maler ni Jehova osebedo ka tayogi kendo ritogi. Wanyalo neno mano e musiam manie ofiswa maduong’. Musiamno nigi wich ma wacho ni: “Joma Iluongo gi Nying Jehova.”

NEURU VIDIO MA WIYE WACHO NI, LIMO MUSIAM MA WARWICK: “JOMA ILUONGO GI NYING JEHOVA,” KAE TO UDWOK PENJO MA LUWOGI:

• 

  En ang’o ma Jopuonjre Muma ne ochako tiyogo e gero yie margi kuom Muma chakre higa mar 1914, to gino nokonyogi nade?

• 

  Gin tembe mage ma ne Jopuonjre Muma oromogo e higa mar 1916 kod 1918, to ang’o ma nyiso ni Jehova ne tayo joge?

• 

  Ere kaka jotich Jehova osebedo kochung’ motegno kata obedo ni giromo gi akwede?

• 

  En adiera mane ma ne oler ne jotich Jehova e higa mar 1935, to mano nomiyo giwinjo nade?

• Ka po ni iselimo musiam ma Warwick kata bad ofis manie pinyu, en ang’o ma ne ineno ma ne omiyo imedo bedo gi yie ni Jehova tayo joge kendo oritogi?