Wamor ni Nyasaye gi Kristo Biro Ketowa Thuolo Kinde Mabiro

Gin gik mage ma inyagorigo pile ka pile? Be dibed ni itemo matek mondo imany ne joodi gik ringruok mochuno? Dibed ni in janyuol achiel ma temo mondo opidh nyithinde? Dibed ni in rawera ma pod nie skul kendo mbeseni jari? Be dibed ni ituori kata isechako yudo chandruoge moko nikech bedo moti? Ng’ato ka ng’ato nigi chandruok ma onyagorego. Nitie Jokristo moko ma nyagore gi pek mang’eny. Kata kamano, wang’eyo ni Jehova chiegni golowa e chandruogegi duto.​—2Ko 4:16-18.

Ka pod warito kindeno, wamor ni Jehova ong’eyo chandruoge ma wan-go, omor gi kaka wamakore kode ka wanano, kendo oseikonwa gueth mathoth e kinde mabiro. (Jer 29:11, 12) Yesu bende oherowa ahinya. Sama wachopo ting’ ma wan-go kaka Jokristo, osingonwa niya: “An kodu.” (Mat 28:20) Ka waparo matut kaka ibiro ketwa thuolo e kinde ma Pinyruodh Nyasaye biro locho e piny, geno ma wan-go medo bedo motegno kendo wamedo nano e tembe ma waromogo e kindegi.​—Rum 8:19-21.

NEURU VIDIO MA WIYE WACHO NI, DHI NYIME KETO WANG’I KUOM YESU KAKA APAKA MAR GIKO MEDO KAYO MACHIEGNI!​—GUETH MA KINDE MABIRO, KAE TO UDWOK PENJO MA LUWOGI:

• Ere kaka dhano ne oweyo Nyasaye, to mano nokelo ang’o?

• Gin gueth mage ma joma omakore gi Jehova biro yudo e kinde mabiro?

• Ang’o momiyo wan gadier ni guethgo biro betie e kinde mabiro?

• Gin gueth mage ma irito gi siso ahinya e piny manyien?