“Kik Uparru”

Jehova nokonyo jochan ma nodak e piny Israel machon. Gin yore mage mokonyogo jotichne mochando gik ringruok e kindegi?

• Osekonyogi mondo gibed joma gik ma gin-go romo.​—Luk 12:15; 1Ti 6:6-8

• Osekonyogi mondo kik gibed joma ochayore kata obedo ni gidhier.—Ayu 34:19

• Osepuonjogi mondo giti matek kendo gitang’ gi timbe ma nyalo hinyogi.—Nge 14:23; 20:1; 2Ko 7:1

• Osekelogi e riwruok mar owete ma en kama ji oheroree.—Joh 13:35; 1Jo 3:17, 18

• Omiyogi geno.​—Za 9:18; Isa 65:21-23

Kata bed ni ngima nyalo bedonwa matek machalo nade, ok onego waparre mokalo tong’. Jehova biro miyowa gik mochuno e ngima ka wadhi nyime keto weche Pinyruoth obedo motelo.—Mat 6:31-33.

NEURU VIDIO MA WIYE WACHO NI HERA OK REM NGANG’ KATA BED NI . . . IDHIER​—CONGO, KAE TO UDWOK PENJO MA LUWOGI:

• 

  Ere kaka owete modak e alwora mitimoe chokruoge madongo osebedo ka nyiso hera ne owete ma wuok e gwenge maboyo?

• 

  Vidiono opuonji wach mane e yo ma Jehova nyisogo ni ohero joma odhier?

• 

  Ere kaka wanyalo luwo ranyisi mar Jehova kata bed ni ok wan gi gige ringruok mang’eny?