NGIMAWA KAKA JOKRISTO
Jonyuol Konyuru Nyithindu Mondo Oyud Rieko Mowuok Kuom Nyasaye
Achiel kuom yore ma jonyuol nyalo konyogo nyithindgi mondo oyud rieko mowuok Nyasaye en kuom konyogi mondo giyud ber e chokruoge mag Jokristo. Gik ma nyithindo neno, winjo, kod paro ma gichiwo e chokruoge nyalo konyogi mondo gipuonjre e wi Jehova kendo bedo osiepne. (Rap 31:12, 13) Ka in janyuol, ere kaka inyalo konyo nyithindi mondo gipuonjre gik mathoth e chokruoge?
Tim kinda mondo udhi e chokruoge mitimo aching’.—Za 22:22
Chopuru e chokruok chon kendo kik uwuog mapiyo bang’ chokruok mondo uyud thuolo mar jiworu gi jomamoko.—Hib 10:25
Ne ni joot duto nigi buk mipuonjruok e chokruok bed ni en mar otas kata en e simu
Kony nyathini mondo ochiw paro kotiyo gi wechene owuon.—Mat 21:15, 16
Wuo maber e wi chokruoge kod puonj mabeyo miyudo kuno
Kony nyithindi mondo oriw lwedo gik mopogore opogore kaka timo ler e Od Romo kendo goyo mbaka gi Jokristo ma hikgi ng’eny e kanyakla
Konyo nyithindi mondo osud machiegni gi Jehova dwaro kinda kendo timo mano seche moko nyalo nenore ni tek. Kata kamano, bed gadier ni Jehova biro konyi.—Isa 40:29.
NEURU VIDIO MA WIYE WACHO NI JONYUOL, GENURU KUOM JEHOVA MONDO OMIU TEKO, KAE TO UDWOK PENJO MA LUWOGI:
Bedo mool ne miyo Zack gi Leah winjo nade?
Ang’o momiyo jonyuol onego okwa Jehova mondo omigi teko?
Gin ang’o ma Zack gi Leah notimo ma nyiso ni ne gigeno kuom Jehova mondo okonygi?