Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • wp21 Na. 2 ite mar 7-9
  • Giko Nobi Karang’o? Gima Yesu Nowacho

Hakuna video yoyote kwa sasa.

Samahani, haikuwezekana kupakia video.

  • Giko Nobi Karang’o? Gima Yesu Nowacho
  • Ohinga mar Jarito Malando Pinyruoth Jehova (Mar Ji Duto)—2021
  • Vichwa vidogo
  • Habari Zinazolingana
  • NE ANE WECHE MOKO ARIYO MA YESU NOWACHO E WI GIKO:
  • RANYISI
  • “NDALO MAG GIKO”
  • PARADISO OKAYO MACHIEGNI E PINY KA!
  • Be Wadak e “Ndalo mag Giko”?
    Ang’o ma Muma Puonjo Kuom Adier?
  • Be Giko mar Pinyni Chiegni?
    Gima Muma Puonjo
  • Giko mar Piny Miyi Luoro, Siso, Koso Chuny ma Ojok
    Ohinga mar Jarito Malando Pinyruodh Jehova-2013
  • Giko Osekayo Machiegni
    Ohinga mar Jarito Malando Pinyruoth Jehova—2015
Pata Habari Zaidi
Ohinga mar Jarito Malando Pinyruoth Jehova (Mar Ji Duto)—2021
wp21 Na. 2 ite mar 7-9
Yesu lero ne jootene ranyisi mag ndalo giko.

Giko Nobi Karang’o? Gima Yesu Nowacho

Mana kaka ne waneno e sula mokalo, sama Muma wuoyo kuom giko piny, ok owuo kuom giko mar piny mwadakieni kata giko mar dhano. Kar mano, owuoyo kuom giko mar gik maricho ma timore e pinyni, kaachiel gi ji duto ma timo gigo. To be Muma wacho odiechieng’ sie ma giko biro chopoe?

NE ANE WECHE MOKO ARIYO MA YESU NOWACHO E WI GIKO:

“Sikuru ka uneno nikech ok ung’eyo chieng’no kata sano.”​—MATHAYO 25:13.

“Sikuru ka utang’, sikuru ka uneno, nimar ok ung’eyo ni kinde moket en karang’o.”​—MARIKO 13:33.

Kuom mano, onge ng’ato ang’ata e pinyni mong’eyo odiechieng’ sie ma giko nobie. Kata kamano, nitie ‘kinde ma Nyasaye oseketo,’ tiende ni ‘odiechieng’ kod sa’ ma giko nobie. (Mathayo 24:36) Be mano nyiso ni ok dwang’e chuth-chuth ka giko okayo machiegni? Yesu nomiyo jopuonjrene ranyisi ma ne dhi konyogi ng’eyo ni giko koro chiegni.

RANYISI

Gik ma Yesu nowacho ni ne dhi timore ne dhi bedo ranyisi mar “giko mar ndalo.” Nowacho kama: “Oganda noked gi oganda kendo pinyruoth noked gi pinyruoth, bende chiemo nobed manok kendo yiengni mag piny nobedie kamoro bang’ machielo.” (Mathayo 24:3, 7) Nowacho bende ni ‘tuoche ma landore ne dhi betie.’ (Luka 21:11) Be iseneno ka gik ma nowachogo timore?

Lwenje, kech, yiengni piny, kod tuoche ma landore opong’o kamoro amora e piny sani. Kuom ranyisi, e higa mar 2004 piny noyiengni matek e i Nam Chumbi (Indian Ocean) mokelo tsunami ma nonego ji 225,000 kama. Kuom higni adek, tuo mar korona nonego ji mokalo milion 6.9 e piny ngima. Yesu nowacho ni gik ma kamago ne dhi nyiso ni giko pinyni okayo machiegni.

“NDALO MAG GIKO”

Muma nowacho ni thuolo matin ma ne dhi betie ka giko pok ochopo ne idhi luong ni “ndalo mag giko.” (2 Petro 3:3, 4) Ka luwore gi 2 Timotheo 3:1-5, e ndalo mag giko, ji ne dhi bedo gi timbe maricho ahinya. (Ne sanduk ma wiye wacho ni “Kodong’ Matin to Giko Chopo.”) Be iseneno kaka kindegi ji mang’eny oherore giwegi, igi lach, giger, kendo gionge hera? Kido kaka mago nyiso ni giko chiegni ahinya.

Ndalo mag giko ne dhi kawo kinde ma romo nade? Muma wacho ni “mana kinde manok.” Bang’ mano, Nyasaye biro “ketho jo ma ketho piny.”​—Fweny 11:15-18; 12:12.

Lwenje

Jolweny ma goyo bunde ka gibuto kamoro.
  • E kind higa mar 2007 gi 2017, kwan mar joma notho nikech lwenje kod mahundu nomedore gi pasent 118

Tuoche

Dichwo moro matuo onindo e otanda manie osiptal.
  • Moko kuom tuoche ma nego ji ahinya gin tuoche mag adundo, stroke, tuoche mag obo, tuoche minyuologo nyithindo, diep, kansa, kahera (TB)

Kech

Nyako moro matin ma kech kayo oting’o bakul e lwete.
  • E higa mar 2021, pasent 9.8 mar ji e piny ngima ne onge gi chiemo moromo, kendo achiel kuom adek mar nyithindo ma johigni abich ka dok piny ne ok oyudo chiemo ma gero del, kendo dongo notamogi

Yalo Wach Maber e Piny Ngima

Joneno mag Jehova moko ochung’ gi troli, to giwuoyo gi dichwo moro.
  • Nitie joyal wach maber (Joneno mag Jehova) ma kwan-gi okalo milion 8.6, kendo gichiwo buge ma lero Muma e dhok mokalo 1,000 e pinje 240

PARADISO OKAYO MACHIEGNI E PINY KA!

Nyasaye oseketo odiechieng’ sie kod sa ma obiro tiekoe gik maricho duto e pinyni. (Mathayo 24:36) To pod nitie wach moro maber moloyo, ma en ni Nyasaye ‘ok odwar ni oketh ng’ato ang’ata.’ (2 Petro 3:9) Omiyo ji duto thuolo mar loko yoregi mondo gitine. Nikech ang’o? En nikech doher ni watony ka giko pinyni ochopo, kendo wadag e piny manyien mosingonwa ka koro oseloke mobedo paradiso.

Nyasaye oseloso chenro mar puonjo ji Muma e piny ngima mondo okonygi ng’eyo gik monego gitim e ka gibi gidag e piny manyien e bwo Pinyruodhe. Yesu nowacho ni ne idhi yal wach maber mar Pinyruodh Nyasaye “e piny mangima.” (Mathayo 24:14) Joneno mag Jehova e piny mangima tiyoga gi seche bilionde e yalo wach maber kendo puonjo ji Muma. Yesu nowacho ni wach maberno ne idhi yal e piny duto ka pok giko ochopo.

Loch dhano chiegni chopo e gikone. Kata kamano, wach maber en ni in bende inyalo tony ka giko pinyni ochopo ma idag e paradiso e piny kae mana kaka Nyasaye osingo. Sula ma luwo biro nyiso gik minyalo timo mondo idag e piny manyien.

KODONG’ MATIN TO GIKO CHOPO

“Kinde matek ahinya nobedie e ndalo mag giko. Nimar ji nobed jo moherore giwegi, jo mohero pesa, jo ma pakore, jong’ayi, jo achaya, jo ma ok winj jonyuolgi, jo ma ok go erokamano, jo ma ok makre chuth gi jomamoko, jo ma onge hera, jo ma ok oikore loso winjruok moro amora, joketh nying ji, jo ma onge ritruok, jo mager, jo ma ok ohero gik mabeyo, jo andhoga, jo ma wigi tek, jo sunga, jo mohero mor mag piny kar hero Nyasaye, jo ma nenore gi oko ni gin jo moluoro Nyasaye to gitamore yie mondo tekone ochik ngimagi.”​—2 TIMOTHEO 3:1-5.

Bedo ni gik ma Yesu nokoro e wi “ndalo mag giko” timore, miyo wabedo gi geno

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki