Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • my sigana 54
  • Ng’at ma Ratego Moloyo Ji Duto

Hakuna video yoyote kwa sasa.

Samahani, haikuwezekana kupakia video.

  • Ng’at ma Ratego Moloyo Ji Duto
  • Buga Moting’o Sigendini mag Muma
  • Habari Zinazolingana
  • Jehova Nomiyo Samson Obedo Ratego
    Weche Minyalo Puonjori e Muma
  • Gen Kuom Jehova Kaka Samson Notimo
    Ohinga mar Jarito ma Lando Wach Pinyruoth (Mar Puonjruok)—2023
  • Weche Mantie e Jong’ad Bura
    Muma Maler—Loko mar Piny Manyien (nwt)
  • Andhoga En Tim Marach Ahinya!
    Ngimawa kod Tijwa Kaka Jokristo—Chenro mar Chokruok—2022
Buga Moting’o Sigendini mag Muma
my sigana 54

SIGANA MAR 54

Ng’at ma Ratego Moloyo Ji Duto

BE ING’EYO nying ng’at ma ratego moloyo ji duto ma osedak e pinyni? En jang’ad bura miluongo ni Samson. Jehova ema miyo Samson teko. Kata ka podi ok onyuol Samson, Jehova nyiso min mare ni: ‘E kinde machiegini, ibiro nyuolo wuowi. Obiro telo e reso Jo-Israel e lwet Jo-Filistia.’

Jo-Filistia gin joma richo modak Kanaan. Gin kod jo lweny mang’eny, kendo gihinyo Jo-Israel ahinya. Chieng’ moro ka Samson dhi kama Jo-Filistia odakie, sibuor maduong’ maruto matek chomo ire. Kata kamano, Samson nego sibuorno mana gi lwete nono. Onego Jo-Filistia mang’eny bende.

Bang’e, Samson hero dhako moro miluongo ni Delila. Jotend Jo-Filistia singore ni Delila ni ng’ato ka ng’ato kuomgi biro miye fedha 1,100 ka onyisogi gima miyo Samson nigi teko mang’eny ahinya. Delila dwaro pesano duto. Ok en osiep Samson madier kata mana mar oganda Nyasaye. Kuom mano, koro osiko openjo Samson gima miye obedo gi teko ahinya.

Gikone, Delila miyo Samson nyise gima miye obedo gi teko ahinya. Samson wachone kama: ‘Yie wiya ne podi ok oliel. Nyaka a nyuolna, Nyasaye ne oyiera mondo abed jatichne makende miluongo ni Ja-Nazir. Ka oliel wiya, to tekona nyalo lal.’

Delila ka ng’eyo wachni, omiyo Samson nindo e bambene. Bang’e, oluongo ng’ato mondo obi oliel wi Samson. Ka Samson chiew, tekone orumo. Bang’e, Jo-Filistia biro, kendo gimake. Gigolo wengene ariyo duto, kendo gitime misumbagi.

Chieng’ moro, Jo-Filistia bedo gi nyasi moro maduong’ mar lamo nyasachgi ma Dagon, kendo gigolo Samson e jela mondo gitimne timbe mag jaro. Koro yie wi Samson osetwi kendo. Samson nyiso wuowi ma ne omako lwete ka taye niya: ‘We mondo amul sirni mag ot.’ Bang’e, Samson lamo Jehova ka kwaye teko kendo omako sirni mag odno. Ne oyuak kowacho niya: ‘We mondo atho gi Jo-Filistia gi.’ Nitie Jo-Filistia 3,000 e nyasino, kendo ka Samson ne olung’ore e sirni-go gi tekone duto, ot ne opodho monego jo marichogi duto.

Jobura sula mar 13 nyaka 16.

Penjo mag Puonjruok

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki