Bedo Wasumbini Babulon Nyaka Gero Ohinga mag Jerusalem

Jo-Israel kane gin wasumbini Babulon, ne giyudo tem mang’eny e yie margi. Shadrak, Meshak kod Abednego ne owit e mach maduong’ maliet, kata kamano, Nyasaye ne ogologi oko ka gingima. Bang’e, kane Jo-Media gi Jo-Persia oloyo Babulon, ne owit Daniel e bur mokuny ne sibuoche, kata kamano Nyasaye ne omako dho sibuoche ma orese en bende.

Gikone, Kuros ma ruodh Persia ne ogonyo Jo-Israel. Ne gidok e pinygi bang’ higini 70 chakre ne tergi Babulon kaka wasumbini. Achiel kuom gik ma ne gikwongo timo kane giduogo Jerusalem, ne en gero hekalu mar Jehova. Kata kamano, wasigu ne ochungo tijno. Kuom mano, ne okawogi higini madirom 22 e gero hekaluno bang’ duogo Jerusalem.

Bang’ mano, wapuonjore kuom wuoth ma Ezra ne otimo mar dok Jerusalem mondo odhi omed bero hekalu. Mani ne en higini 47 bang’ tieko hekalu. Bang’e, higini 13 ka Ezra osetimo wuodheno, Nehemia ne okonyo gero ohinga mag Jerusalem ma ne opodho piny. Kare mar ABICH wuoyo kuom higini 152 mag gik ma ne otimore e kindeno.