Somo mar 1

Kaka Inyalo Ng’eyo Gima Nyasaye Dwaro

Weche mage madongo mantie e Muma? (1)

Ng’ama ondiko Muma? (2)

Ang’o momiyo onego ipuonjri Muma? (3)

1. Muma en mich maber ahinya moa kuom Nyasaye. Ochal kod barua moa kuom Wuoro ma ohero nyithinde. Owachonwa adiera kuom Nyasaye—ni en ng’a kod dwarone. Onyiso maler kaka wanyalo hingo chandruok kendo kaka wanyalo yudo mor maradier. Muma kende ema nyisowa gima nyaka watim mondo wami Nyasaye mor.—Zaburi 1:1-3; Isaiah 48:17, 18.

2. Muma nondiki gi ji mopogore 40 kuom kinde mar higni 1,600 kochakore e higa mar 1513 ka pod ndalowa. Oting’o kitepe matindo 66. Jogo mane ondiko Muma ne okudhi gi much Nyasaye. Ne gindiko pache, ok pachgi giwegi. Omiyo Nyasaye manie polo, ok dhano moro amora manie piny, e Jandiko mar Muma.—2 Timotheo 3:16, 17; 2 Petro 1:20, 21.

3. Nyasaye nochiko ni weche manie Muma nonwo adimba kendo noriti. Osego Muma mathoth moloyo kitabu moro amora. Ok ji duto mabiro mor kagineno ni ipuonjori Muma, to mano kik moni dhi nyime. Ka idwaro ngima mochwere to onego ing’e Nyasaye kendo itim dwaro mare kata ka iyudo akweda moro amora.—Mathayo 5:10-12; Johana 17:3.